8th Marvel Kabaddi Tournament 2026

About The Event

കാത്തിരിപ്പുകൾക്ക് വിരാമമിട്ട്… ആഘോഷങ്ങളുടെ പൊൻപുലരി വീണ്ടും പിറക്കുകയാണ്! ഒരു നാടിന്റെ ഐക്യവും, ഒരു തലമുറയുടെ ഓർമ്മകളും, ഒരു കൂട്ടായ്മയുടെ കരുത്തും ചേർന്നൊരുക്കുന്ന ആഘോഷത്തിന് വീണ്ടും തിരിതെളിയുകയാണ്. ഓരോ വർഷവും നമ്മുടെ ഗ്രാമം ആവേശത്തോടെ കാത്തിരിക്കുന്ന ജസ്റ്റേഴ്സ് സ്പോർട്സ് ക്ലബ്ബിന്റെ 17-ാമത് വാർഷികാഘോഷവും 28- ആം ഓണാഘോഷവും. കേരളത്തിനകത്തും പുറത്തുമുള്ള വിവിധ പുരുഷ വനിത ടീമുകൾ മാറ്റുരക്കുന്ന ആവേശത്തിന്റെ പുതിയ മാനങ്ങൾ പകരാൻ, കരുത്തും തന്ത്രവും പോരാട്ടവീര്യവും നിറഞ്ഞ കബഡി ടൂർണമെന്റും ഈ മഹോത്സവത്തിന്റെ മുഖ്യ ആകർഷണമായി അരങ്ങേറുന്നു. ഓരോ റെയ്ഡും ആവേശത്തിന്റെ അലയും, ഓരോ ടാക്കിളും വീരത്തിന്റെ പ്രഖ്യാപനവും, ഓരോ വിജയവും അഭിമാനത്തിന്റെ നിമിഷവുമായിരിക്കും. ഇത്തവണയും പ്രൗഢിയോടെയും ജനപങ്കാളിത്തത്തോടെയും ആഘോഷിക്കുകയാണ്. ഓണത്തിന്റെ സ്നേഹവും സമത്വവും, യുവത്വത്തിന്റെ ഊർജവും,കായിക–സാംസ്കാരിക വൈവിധ്യങ്ങളുടെ വർണാഭമായ സംഗമവുമാകുന്ന ഈ മഹോത്സവം ഒരു പരിപാടി മാത്രമല്ല; നമ്മുടെ നാടിന്റെ അഭിമാനവും, ഐക്യത്തിന്റെ ആഘോഷവും, ഓർമ്മകൾക്ക് പുതുജീവൻ നൽകുന്ന ജനോത്സവവുമാണ്. ആവേശം നിറഞ്ഞ കായിക മത്സരങ്ങളും,, ഹൃദയം കീഴടക്കുന്ന നിമിഷങ്ങളും, ഗ്രാമത്തിന്റെ കൂട്ടായ്മയുടെ കരുത്തും ഒരുമിച്ച് ചേർന്ന് ഈ ആഘോഷത്തെ അവിസ്മരണീയമാക്കും. ഒരു നാട്… ഒരു ആഘോഷം… ഒരു ആവേശം… ജസ്റ്റേഴ്സ് സ്പോർട്സ് ക്ലബ്ബിനൊപ്പം ഓണത്തെ വരവേൽക്കാം, കബഡിയുടെ വീരപ്പോരാട്ടങ്ങൾക്ക് സാക്ഷികളാകാം! “ആഘോഷം ഒരുമയുടെ ഭാഷയാണ്… ഓണം നമ്മുടെ ഹൃദയമാണ്… ജസ്റ്റേഴ്സ് നമ്മുടെ അഭിമാനമാണ്!” സ്നേഹപൂർവ്വം, ജസ്റ്റേഴ്സ് സ്പോർട്സ് ക്ലബ് 17-ാമത് വാർഷികാഘോഷവും ഓണാഘോഷവും – 2026